Бизнес Эхлүүлэх Айдсаа Яаж Даван Туулах Вэ?

Бизнес Эхлүүлэх Айдсаа Яаж Даван Туулах Вэ?

Бизнес хийх нь гоё санагддаг ч яг бариад хийх гэхээр янз бүрийн эргэлзээ үүсч, айдастай бодлуудаар дүүрдэг.

Тийм болохоор би өнөөдөр эргэлзээгээ, айдсаа хэрхэн таньж мэдээд, түүнтэйгээ хэрхэн яаж ажиллаж бизнесийнхээ анхны алхмыг хийх вэ тухай ярих хүсэлтэй байна.

Би яагаад өөрийн бизнестэй болох хүсэлтэй байсан бэ гэвэл би өөрөө өөрийнхөө босс байхыг хүсч байсан. Би дуртай үедээ ажиллаж, дуртай үедээ амралтаа авахыг хүсч байсан. Тэгэхгүй хэн нэгэн миний ажиллах цагийг гаргаж, хэн нэгэн миний амралтыг авах авахгүйг шийдэж, хэн нэгэн миний цалинг өгөхийг би хүсээгүй.

Гэхдээ зарим хүмүүс том албан газар ажиллах дуртай байдаг. Тэр тусмаа том албан тушаал дээр бол бүүр дуртай байдаг. Хичнээн гоё газар ажилладаг ч гэсэн тэр ажлаасаа гараад өөрийн бизнестэй болох хүсэлтэй ч хүн байдаг. Хэрвээ та өнөөдрийн байдлаар бизнес эрхлэгч, энтрепренёр болох болоогүй байна гэж бодож байгаа бол зүгээр, хамгийн гол нь та яагаад болоогүй байна гэж бодож байна вэ? Хэрвээ та айдас дээр тулгуурлаад тэгж бодож байгаа бол дахиад сайн бодоход илүүдэхгүй, хэрвээ та үнэхээр хүсээгүй, сэтгэлээсээ хүсэхгүй байгаа бол тэр бодлоо дагах нь зүйтэй гэж бодож байна.

За тэгэхээр анх бизнес эхлэхэд давуу тал ч байна, сул тал ч байна.

Тийм болохоор цаас харандаа аваад наашаа суугаарай.

Бизнес Эхлүүлэх Айдсаа Яаж Даван Туулах Вэ?

Цаасаа 2 хуваагаад нэг тал дээр нь бизнес эрхлэх бүх л гоё зүйлүүдийг бичээрэй. Жишээлбэл:

Энэ жагсаалтыг яагаад гаргасан бэ гэвэл эргэлзээ төрсөн үедээ, эсвэл айдастай нүүр тулах үедээ энэ жагсаалтаа өөртөө сануулж байх нь зүйтэй байдаг л даа. Яагаад гэвэл энэ жагсаалт нь бидний мотивац буюу өөрсдийгөө хөдөлгөх хүч болж өгдөг.

Энэ жагсаалтыг заавал цаасан дээр бичих албагүй. Дотроо бодож болно гэхдээ цаасан дээр буулгаж бичсэнээр бид түүнийгээ илүү тодорхой харж чадахаас гадна бодит болгож биелүүлэх нь илүү байдаг.

За тэгэхээр бид бизнестэй болох давуу талуудаа мэдэж авсан. Одоо бизнестэй болох сул талуудаа мэдэж авья. Бас нэг цаас аваад, хэрвээ та амжилтын дэвтэр дээрээ бичиж байгаа бол дараагийн хуудсаа 3 хувааж байгаад, эхний эгнээгээ томхон, 2 дахь эгнээгээ нарийхан, 3 дахийг нь томхон хуваагаарай. эхний эгнээнд бизнестэй болохоос, энтрепренёр болохоос айж байгаа бүх л зүйлүүдээ бичихийг санал болгож байна. Айж байгаа том жижиг бүх зүйлүүдээ бичээрэй. Тэнэг юм байсан ч хамаагүй, инээдтэй юм байсан ч хамаагүй бүгдийг гаргаж бичээрэй. Жишээлбэл:

• бизнесээ авч явж чадах болов уу
• хүмүүс миний юмыг худалдаж авахгүй байвал яана аа
• миний үзүүлэх үйлчилгээнд дургүй байвал яана аа
• зээл бүтэхгүй байвал яах вэ
• ажиллах хүн олдохгүй бол яах вэ
• хэн ч намайг дэмжихгүй байвал яах вэ
• мэдлэг хүрэхгүй байна
• мөнгөө алдвал яана аа
• олны өмнө гарахаас айж байна
• одоогоор хангалтгүй байна гэх мэт

Ганц ч айдас үлдээхгүй бүгдийг бичээрэй. Айдасгүй хүн гэж байдаггүй. Тэр тусмаа эрсдэл хийх гэж байгаа, анх бизнесээ бүтээх гэж байгаа, ажлаасаа гарах гэж байгаа хүнд бүүр их айдас байдаг. Энэ нь энгийн үзэгдэл. Бүх айдсаа гэргаж бичсэнээр та одоо ямар ямар айдастай нүүр тулах хэрэгтэй вэ гэдгээ бүгдийг тодорхой харж чадна л даа. Тиймээс бүх айдсаа гаргаж бичээрэй.

Бичиж дуусчихаад 2 дахь эгнээнд айдас болгоныхоо хажууд энэ айдас үнэхээр гарцаагүй надад тохионо гэдгийнхээ ард 100% гэж тавиад, ерөөсөө надад тохиохгүй гэж бодож байгаагагийнхаа ард 0%, магадгүй гэж бодож байгаагийнхаа ард хэдэн хувийн магадлалтай гэж бодож байна түүнийгээ бичээрэй. Жишээлбэл: олны өмнө гарахаас айж байна гэж байгаа бол олны өмнө гарахаас юунаас нь айх вэ? жишээлбэл бусад шүүмжилбэл яана аа гэж айж байвал бусад шүүмжлэх магадлал нь 30% гэх жишээтэй.

Бичиж дуусчихаад одоо энэ маш чухал алхам байгаа з дахь эгнээнд юу бичих вэ гэвэл айдас болгоныгоо авч үзээд хэрвээ та энэ айгаад байгаа зүйлээ жишээлбэл хэн ч намайг дэмжихгүй бол яах вэ гэдэг айдас байлаа гэж бодоход хэрвээ хэн ч намайг дэмжихгүй байвал би үүнээс өөрийгөө яаж сэргийлэх вэ? Хэн ч намайг дэмжихгүй байвал би юу юу хийх вэ? Яаж өөрөөрөө даван туулах вэ? гэдгийг бодож олох. Хэн ч миний юмыг худалдаж авахгүй байвал яанаа гэж бодож байгаа бол худалдан авахуулахын тулд юу хийх вэ, яах вэ гэдгийг урьдчилан бодож олох.

Энэ хүснэгт дээрээ ажиллахдаа цаг зав, сэтгэлээ зориулж байгаа, 100 хувь анхаарлаа төвлөрүүлж байгаад хийхийг хичээгээрэй.

Хийсний дараа ямар сэтгэгдэл төрж байна вэ? Таны айдас улам томорч байна уу? Эсвэл багасч бана уу? Эсвэл олон янзын шийдэл гарч ирж байна уу? Өөрийгөө хяннаарай.

Миний хувьд бүх айдсаа тусгайчлан бодож, түүн дээрээ ажилласнаар надад шийдэл гарч ирсэн учраас миний айдас айдас биш болж, айдас харин чиг хийх ажлын төлөвлөгөө болж, түүнийхээ дагуу ажиллаж эхэлсэн.

Хамгийн гол нь бүх сөрөг зүйлийн ард нуугдсан боломжуудыг гаргаж ирж, томруулдаг шилээр харснаар бидэнд ямар их боломж бололцоо, хувилбарууд байгааг олж мэддэг.

Тэгэхээр айдсаасаа зугтаад явах биш айдастайгаа ажиллаж сурахыг зорилгоо болгох нь зүйтэй гэж бодож байна.

Бизнес эрхлэгчид, энтрепренёруудын гаргадаг нэг том алдаа бол айдастайгаа нүүр тулах биш, айдсаа алга болохыг хүлээдэг. Бизнес ертөнц дээр, энтрепренёр ертөнц дээр айдас алга болохгүй. Айдастайгаа ажилласнаар айдас алга болно. Бизнес эрхлэх эхний жил тэр тусмаа хамгийн их айдастай байдаг. Энэ нь энгийн үзэгдэл. Байх ёстой зүйл. Харин яваа яваандаа энэ айдастайгаа найзалж эхэлдэг.

Нөгөө усанд сэлэхийн тулд усруу орох хэрэгтэй гэдэг шиг бизнесээ бүтээхийн тулд энэ бизнес ертөнц рүү үсрээд орох хэрэгтэй болдог. Орсон тохиолдолд сурч эхэлнэ.

Тэгэхээр бидэнд сонголт байгаа айдсаа сонсоод бизнес хэзээ ч эрхлэхгүй эсвэл айдастайгаа ажиллаад бизнестэй болох.

Та өнөөдөр альныг нь сонгож байна вэ?

Тэгэхээр энэ бизнес энтрепренёр гэдэг сэдэв маш том сэдэв байдаг. Бичээд бичээд, яриад яриад дуусахгүй. Бүүр гүн рүү ороод сурах зүйл маш их байдаг. Тийм ч учраас би Х3 Академи– аа үүсгэсэн байгаа. Олон сонлайн сургалтууд хийж эхэлсэн байгаа. Хэрвээ та сонирхож байвал ukatumur.com руу ороод сонирхоорой.

Тэгэхээр айдастай байх нь зүгээр, бид бүгдэд айдас байдаг. Айдас байнаа гэдэг нь бид зөв замаар явж байна гэж ойлгох хэрэгтэй. Айдастай учрахгүй гээд дассан газартаа дассан юмаа хийгээд байвал бид үогэлж бодож явдаг зүйлээ хийж чадахгүй тэр дассан газраа үүрд хадагдаж санаа алдсаар байх болно. Харин айдсаа давснаар бид хөгжинө, урагшлана, амжилтанд хүрнэ, ихийг бүтээнэ.

Хэрвээ та иймэрхүү өөр олон сэдвээр уншиж сонсох хүсэлтэй бол миний миний подкаст subscribe хийгээрэй, ukatumur.com руу ороод имэйл листэнд бүртгүүлээрэй. ШИнэ мэдээллүүдээ би таны имэйлрүү илгээх болно.

ХҮС. ХИЙ. ХҮР.
ТАНЫ АМЖИЛТЫН ТӨЛӨӨ
УКА ТӨМӨР