Амжилтанд Нөлөөлөх Хамгийн Чухал Юм Юу вэ

Амжилтанд Нөлөөлөх Хамгийн Чухал Юм Юу вэ

Бизнест, фитнест, хувийн амжилтанд нөлөөлөх хамгийн чухал юм юу вэ? Та энэ чухал юм юу болохыг мэдэх үү?

Үүнийг мэдэхээс өмнө бид нэг зүйлийг орхих хэрэгтэй. Юу вэ гэвэл бүгдийг мэдэж байж хийх гээд байдгаа орхих хэрэгтэй. Бид хийх гэж байгаагаа зөв хийхийн тулд бүгдийг мэдэх хэрэгтэй гэж боддог. Бид контент бүтээхэд, шинэ бүтээгдэхүүн гаргахад, блог, вэбсайт үүсгэхэд, бизнесээ бүтээхэд бүгдийг мэдэж байгаад хийх гээд байдаг. Энэ бодол биднийг цааш явуулдаггүй.

Жишээлбэл: анх youtube бичлэг хийхэд ямар камер хэрэглэх вэ, ямар software ашиглах вэ, ямар микрофон хэрэглэх вэ, ямар гэрэлтүүлэг хэрэглэх вэ, аль нь дээр вэ энэ үү тэр үү гэх мэт зүйлийг баахан судалж, бүгдийг мэдэж байж хийх гээд байдаг. Үнэндээ бол эхний ээлжинд ухаалаг утас мөн юу ярихаа мэдэж байхад л хангалттай байх жишээтэй. Хамгийн гол нь гараас гарч хэрэглэгчид очиж байна уу? Очихдоо үнэ цэнээ өгч чадаж байна уу гэдэг нь чухал. Бичлэг үзэж байгаа хүмүүс ихэвчлэн өөрт хэрэгтэй зүйлийг үзэх хүсэлтэй хүмүүс байдаг болохоор та тэдгээр хүмүүст хэрэгтэйг нь өгч чадсан уу гэдэг л чухал байдаг. Тэдгээр хүмүүс таны бичлэг гоё байна уу, муухай байна уу, интро байна уу, гэрэлтүүлэг байна уу гэдгийг тоохгүй, дахин хэлье зөвхөн өөрт хэрэгтэй мэдээлэл дээр анхаарлаа хандуулна.

Бас нэг жишээ гэвэл ном бичих гэж байгаа хүн номоо л бичих хэрэгтэй. Тэгэхгүй номны хавтсан дээр анхаарлаа төвлөрүүлээд, хавтасны дизайнаа яаж хийх вэ гэдэг дээр ажиллаад байвал утгагүй. Номны хавтас хэрэгтэй юу гэвэл хэрэгтэй гэхдээ мянга гоё хавтастай байгаад номоо бичээгүй бол утгагүй. Эхлээд номоо биччихсэн байхад бусад зүйл хийгдэх нь ойлгомжтой.

Тиймээс бусад тойрсон юман дээр цагаа бүү үрээрэй. Бусад зүйлийг түр орхих хэрэгтэй.

Мөн дээр нь нэмж хэлэхэд бид аль нэг газраас эхлэх хэрэгтэй. Өөрөөр хэлбэл байгаа газраасаа эхлэх хэрэгтэй.

Мундаг болж байгаад, мэддэг болж байгаад, цуглуулж байгаа хийнэ гэвэл хэзээ ч хийхгүйн дохио гэж ойлгоорой.

Таны хийж буй ажил хэзээ ч санаанд чинь 100% хүрнэ гэсэн ойлголт байхгүй. Тиймээс муу, дутуу ч гэсэн эхлэх хэрэгтэй. Амжилттай хүн эхлүүлсэн ураас амжилттай хүн болж байгаа, амжилттай бизнесүүд анх эхлүүлсэн учраас амжилттай бизнес болсон байгаа. Шууд амжилтанд хүрэхгүй. Бугдийг мэдсэн ч гэсэн шууд амжилтанд хүрэхгүй.  Тиймээс эхлээд бүгдийг мэдэх гэсэн бодлоо орхиорой.

За тэгвэл бизнест, фитнест, хувийн амжилтанд нөлөөлөх хамгийн чухал юм юу вэ?

Хийх гэснээ дор дор нь хийх. Хийснээр бүгдийг мэдэж авна. Сайн бизнестэй болохын тулд яаж гэхийн оронд бизнесээ бүтээж эхлэх. Сайн контент бичихийн тулд контентоо бичээд цацах. Сайн бичлэг хийхийн тулд бичлэгээ ар араас нь хийж цацсанаар яаж сайн бичлэг хийх вэ гэдэг мэдлэгтэй болно.

МЭДЭЖ БАЙЖ ХИЙХ БИШ ХИЙЖ БАЙЖ МЭДДЭГ.
ТУРШЛАГАТАЙ БОЛЖ БАЙЖ ХИЙХ БИШ ХИЙЖ БАЙЖ ТУРШЛАГАТАЙ БОЛНО.

Ямар нэгэн юмыг хүн ихэвчлэн тархин дотроо боловсруулаад яваад байдаг. Тархин дотор боловсруулсан бодол тархин дотроо төөрнө. Тиймээс тархин доторх бодлоо цаасан дээр буулгаад хийх хэрэгтэй.

Бүгдийг мэдэж авах гэдэг ойлголт бодит биш. Бүгдийг мэдэж дуусгахгүй. Дуусгахыг хүлээвэл хийхгүй. Бүгдийг мэдэж авч байгаад гэдгийн ард үнэндээ бол айдас, өөртөө итгэлгүй байдал нуугдаж байна гэж ойлгоорой. 

Тодруулбал бусдаас ичих, буруутан болох, алдах зэрэг айдас юм.

Жишээлбэл та контент бүтээж байгаа бол контент дээрээ анхаарлаа төвлөрүүлэх. Контентыг чинь унших хүмүүс дээр анхаарлаа төвлөрүүлнэ. Тэд юу хүсч байна вэ? Тэдэнд яаж энэ контентоо хүргэх вэ гэдэг дээр анхаарлаа төвлөрүүлнэ. Ингэж чадвал таны гараас үнэ цэнтэй контент гарч чадна. Тэгэхгүй өөрлүүгээ анхаарлаа төвлөрүүлж би чадахгүй байвал яана аа, миний бичсэн санаанд хүрэхгүй байна. миний бичсэн таалагдахгүй байвал яана аа, миний мэдлэг дутмаг байна гэх мэтээр өөрлүүгээ анхаарлаа төвлөрүүлбэл гараас юм гарахгүй.

Хүмүүс таны мэдэж байгааг өнөөдөр мэдэхийг хүсч байгаа, таны хийх юмыг өнөөдөр хүлээж байгаа тиймээс өнөөдөр хий, өнөөдөр хүргэ. Маргааш гэж бүү хойшлуул. 

Бүгдийг мэдэж байгаад хийх үед дэндүү оройтсон байх болно. Хэрвээ та өдөр болгон хийгээд, нэг хүнд тусалбал сарын дараа та 30 хүнд туслана, 30 хүн хийх юмаа хийж эхлэхэд та туслана, та 30 хоногоор сайжирна. Хэрвээ та хийхгүй сар хүлээвэл хэн ч, юу ч өөрчлөгдөхгүй. Амжилтанд хүрэхийг хүсвэл та хийх л хэрэгтэй. Хийхийг сонгосон бол та хүс хий хүр -ийн хамт олонд орлоо л гэсэн үг.

Та энэ бичлэгээс 3 зүйлийг мэдэж авлаа.
1. Бүгдийг мэдэж байж хийнэ гэдгийг орхих
2. Хийх гэснээ дор дор нь шууд хийх
3. Мэдэж байж хийх биш хийж байж мэднэ

Одоо танаас би чин үнэнээс нэг зүйлийг асуухыг хүсч байна. Та надад үнэнчээр хариулаарай. Та өнөөдөр юу мэдэж авч байгаад хийнэ гэсэн бодолтой байна вэ? Та юу хийх гэхээр нэг л болохгүй хийж чадахгүй яваад байна вэ? Түүнийгээ доор надтай хуваалцаарай. Энэ тухай илэн далангүй ярилцья.

ХҮС ХИЙ ХҮР
УКА ТӨМӨРИЙН ХАМТ

Та бэлэн бол би танд 3 янзаар туслахад бэлэн байна

1. Трафик сургалт – Хэрхэн яаж бизнес руугаа трафик (хүмүүсийг) татаж сурах вэ? Дөнгөж шинээр эхлүүлж байсан ч хамаагүй. 21 хоногийн эрчимжүүлсэн сургалт

2. СУПЕР 6 онлайн сургалт – Хэрвээ та хэвлийгээрээ турж, хэвлийн булчингаа чангалах гээд чадахгүй байгаа бол, Ю-тюб, инстаграмаас дасгалууд түүж хийгээд ч үйлчлээгүй бол би таныг 30 хоногийн хэвлийгээрээ турах сургалтандаа урьж байна.…МАШ ХУРДАН! Хэвлийн өөхийг шатааж булчинг чангалах зорилготой.

3. БЯСАЛГАЛ – Амжилтын Тарни дээр тулгуурласан оюун ухаанаа эерэгээр программчлах бясалгалууд

4. Үнэгүй материалууд – YouTube, Podcast, Blog