Сайн буюу муу стрэсс
Стрэссдэх муу гэдгийг бид бүгд мэднэ. Гэхдээ бүх стрэсс муу биш.
Стрэсс нь 2 янз байдаг
- МУУ СТРЭСС буюу DISTRESS
- САЙН СТРЭСС буюу EUSTRESS
Танд сайн буюу муу стрэсс -ийн аль нь байна вэ?
[powerpress]
(бичлэгийг YouTube дээр үзэх хүсэлтэй бол энд дарж үзнэ үү.)
Бид бүгдийн сайн мэдэх стрэсс гэж нэрлэгддэг сэтгэлийн дарамт, хямрал, зовиурыг DISTRESS буюу МУУ СТРЭСС гэдэг. DISTRESS нь бидний эрүүл мэндэд хортой. DISTRESS биднийг ядраах, хүчгүй болгох, өөрт итгэх итгэлээ алдах, оюун бодлоо цэгцлэх чадваргүй болгохоос гадна үйл хийх чадваргүй болгодог. Товчхон хэлэхэд бидний энергийг сорж, аз жаргалгүй болгодог. Тиймээс энэ стрэссээс аль болох хурдан салж, урьдчилан сэргийлэх хэрэгтэй.
Харин EUSTRESS бол эсрэгээр нь биднийг эрч хүчтэй, энергитэй болгохоос гадна биднийг хөдөлгөж зорилго руу ойртуулж байдаг.
EUSTRESS = EU + STRESS гэдэг 2 хэсэг үгнээс бүтсэн. EU гэдэг нь Грекийн “сайн” гэдэг үгэнд ордог угтвар. Тиймээс “сайн стрэсс” гэж нэрлэдэг. EUSTRESS нь аливаа зүйлийг давуулан биелүүлэхийн тулд өөрийгөө шахан шаардах, тав тухтай орчноосоо гаргаж эрсдэл хийх, өөрийгөө өөрчлөх алхам хийхэд үүсч буй стрэсс юм. Өөрөөр хэлбэл тэмцээнд оролцлох, шинэ чадваруудыг эзэмших, шинэ дадал үүсгэх, шинэ албан тушаалд томилогдох, шинэ хүмүүстэй танилцах, тавьсан том зорилгынхоо дагуу ажиллах зэрэг өөрийгөө ямар нэгэн байдлаар сорих үед гарч ирэх стрэссийг EUSTRESS гэж нэрлэдэг.
EUSTRESS ихсэх тутамд DISTRESS багасч байдаг. Эсрэгээр нь DISTRESS ихсэх үед EUSTRESS багасч байдаг.
Тиймээс бид EUSTRESS -ээ нэмэгдүүлэхийн тулд DISTRESS -ээ багасгаж мөн бидний амьдралд юу юу чухал вэ гэдгийг олж тогтоогоод түүн дээрээ анхаарлаа төвлөрүүлэх нь зүйтэй. Өөрөөр хэлбэл тавьсан зорилго дээрээ анхаарлаа илүү төвлөрүүлэх хэрэгтэй.
Санаж яв: DISTRESS биш EUSTRESS таныг амжилтанд хүргэнэ.
Тиймээс өөрт байгаа стрэссээ таньж мэдэх нь маш чухал. Танд өнөөдөр EUSTRESS байна уу? DISTRESS байна уу?
ХҮС. ХИЙ. ХҮР.
ТАНЫ АМЖИЛТЫН ТӨЛӨӨ
©Ука Төмөр
Сайн байна уу Ука,
Стресийн талаархи тайлбар чинь их таалагдлаа. Сайн стрес хунийг хогжуулж урагшлуулж байдаг гэдэг нь унэн юм аа.Харин муу стрессээс яаж салж болох талаар санаа бодлоо олонтой хуваалцвал зугээр санагдлаа.
Муу стресээс салах аргуудыг цуглуулцгаая.
Амжилт хусье
Хундэтгэсэн
Саран
Саран, баярлалаа! Би энд муу стрэссээс хэрхэн салах тухай оруулсан байгаа. http://www.ukatumur.com/стрэссээс-хэрхэн-урьдчилан-сэргийлэ/
Өдрийн мэнд хүргэе. Таны бичлэгүүдийг байнга үздэг, маш энгийн, үнэн их сайхан санагддаг. Танд их баярлалаа. Өнөөдрийн стрессийн талаар их сонирхолтой санагдлаа. Надад distress л байгаа юм байна. Гэхдээ хэрхэн даван туулах талаар зөвлөөч. жишээ нь та өөрийнхөө муу стрессийг хэрхэн тайлдаг вэ?
Хүндэтгэсэн,
Хонгор
Энд энэ тухай ярьсан байгаа! http://www.ukatumur.com/стрэссээс-хэрхэн-урьдчилан-сэргийлэ/
Үргэлж сайн мэдээ түгээж байдаг дүү Ука Төмөрт баярлалаа. Сайн стресс, муу стресс гэж байхгүй. Стресс бол стресс. Харин стресс хэтрэхээрээ дистресс болно. Жишээ нь Сайхан хөгжим сонсох бол стресс шүү дээ, харин их удаан хугацаагаар сонсвол дистресс болно. Найр наадам бол стресс, хэтрэх юм бол дистресс болдог ажгуу. Хүнтэй хэрэлдэх бол стресс, бас л хэтрэх юм бол дистресс болно. Тэгэхлээр сайн муу стресс гэж ярих нь буруу…..
Цогтсайхан ах аа,
бодол санаагаа хуваалцаж байгаад би маш их баяртай байна. Танд баярлалаа!