Борлуулалтаа Өсгөхийг Хүсэж Байна Уу?

Борлуулалтаа Өсгөхийг Хүсэж Байна Уу?

Амжилттай бизнес эрхлэхэд хамгийн чухал зүйл бол мэдээж борлуулалт байдаг. Борлуулалтын өсөлт нь бизнесийн амжилтыг тодорхойлох гол хүчин зүйл юм. Тиймээс илүү борлуулалт хийхийн тулд бид худалдан авагчид, үйлчлүүлэгчдээсээ асуулт сайн асууж байх хэрэгтэй. Ихэнх хүмүүс асуухаас эмээдэг харин та үүнээс айх хэрэггүй. Энэ нийтлэлээс та:

1. Хүмүүсээс асуухын ач холбогдол.

– Борлуулалт хийхэд ямар ач холбогдолтой вэ?
– Бизнесийн амжилтад хэрхэн нөлөөлдөг вэ?

2. Хүмүүсээс яг яаж зөв асуух вэ?

3. Жишээ 5 асуулт орууллаа.

Хүмүүсээс асуухын ач холбогдол

Худалдан авагчдаасаа асуух нь тэдний хэрэгцээ, хүсэлтийг илүү сайн ойлгож, тэдний асуудлыг шийдвэрлэх, шаардлагыг хангахад тусална.

Мөн үйлчлүүлэгчдэд таалагдах бүтээгдэхүүн, үйлчилгээ үзүүлэхэд тусалж, хоорондын итгэлцлийг нэмэгдүүлнэ.

Итгэлцэл нь удаан хугацааны амжилт олох, тогтвортой борлуулалт хийх, дахин худалдан авалт хийх боломжийг нэмэгдүүлдэг. 

За асууснаар одоогийн үйлчлүүлэгчдийнхээ хэрэгцээ, хүсэлтийг илүү сайн ойлгох боломжтойгоос гадна шинээр орж ирж байгаа үйлчлүүлэгчидтэйгээ танилцахад бас тусалдаг.

Асууснаар илэн далангүй, нээлттэй харилцаа үүснэ. Ингэснээр худалдан авагчдад танай бизнесийн үнэнч шударга байдлыг харуулдаг.

Мөн асууснаар өөрсдийн алдаа, дутагдлыг олж харах, ойлгож, суралцах боломжийг олгодог.

Асууснаар худалдан авагчдын айдас, эргэлзээг нь багасгахад тусалдаг. Айдас эргэлзээг нь багасгаснаар худалдан авах шийдвэр гаргахад тусалдаг.

Худалдан авагчдаасаа асуулт асууж, зөвлөгөө өгөх нь өөрсдийгөө илүү мэргэжлийн түвшинд харагдуулж, худалдан авагчидынхаа хүндэтгэлийг хүлээдэг.

Хүмүүсээс хэрхэн зөв асуух вэ?

1. Асуултуудаа асуухдаа хүмүүсээс юу хүсч байгаагаа маш тодорхой болгож асуух.
2. Энгийн үг хэллэг хэрэглэх хэрэгтэй.
3. Хүмүүсээс асуухдаа эелдэг, хүндэтгэлтэй хандах нь маш чухал. Хүмүүс өөрсдийгөө хүндэлж байгааг мэдэрвэл илүү дотно хандаж асуултуудад дэлгэрэнгүй сайн хариулт өгөх болно.
4. Хүмүүсийн хариултыг сонсохдоо анхааралтай байх нь чухал. Тэдний санал, зөвлөгөөг идэвхтэй, анхааралтай сонсож, зарим нэг зүйлүүдийг тодруулж асуух нь харилцан ойлголцлыг сайжруулна.
5. Хүмүүсийн санал, зөвлөгөөг хүлээн авсны дараа талархал илэрхийлэх нь тэдний итгэлийг хүлээхэд тусалдаг. Энэ нь харилцааг бататгаж, цаашид хамтран ажиллах боломжийг нэмэгдүүлнэ.

Жишээ таван (5) асуултыг доор орууллаа. Борлуулалтаа Өсгөхийг Хүсэж Байна Уу? Эдгээр 5 Асуултыг Асуугаарай!

1. “Таныг шийдвэр гаргахад хамгийн их нөлөөлдөг хүчин зүйл юу вэ?”
Энэ асуулт нь хэрэглэгчийн худалдан авалт хийх шийдвэрт нөлөөлдөг гол хүчин зүйлсийг илрүүлэхэд тусалдаг.

2. “Манай бүтээгдэхүүн/үйлчилгээг ямар шалтгаанаар сонгосон бэ?”
Энэхүү асуулт нь хэрэглэгчийн бүтээгдэхүүний талаар юу бодож байгаа болон яагаад таныг сонгосныг ойлгоход тусалдаг.

3. “Танд одоо ямар асуудал тулгарч байна вэ, бид хэрхэн тусалж чадах вэ?”
Энэ асуултыг асууснаар хэрэглэгчийн бодит хэрэгцээг илрүүлэх боломжтой бөгөөд энэ хэрэгцээнийх нь дагуу бүтээгдэхүүн үйлчилгээгээ санал болгож болно.

4. “Бидний үйлчилгээ таны шаардлагыг хэр зэрэг хангаж байна вэ?”
Энэ асуултыг асууснаар хэрэглэгчийн сэтгэл ханамжийг мэдэж, үүний дагуу бараа бүтээгдэхүүн/үйлчилгээгээ сайжруулах боломжтой хэсгийг олж тодорхойлох боломжтой.

5. “Та манай бүтээгдэхүүнийг найз нөхөд, хамаатан садан болон бусад хүмүүст санал болгох уу? Хэрэв тийм бол яагаад, үгүй бол яагаад?”
Энэхүү асуулт нь хэрэглэгчийн сэтгэл ханамжийн түвшинг хэмжихээс гадна сайжруулах хэрэгтэй зүйлсийг тодорхойлоход тусалдаг.

Үйлчлүүлэгчдээсээ асуулт асууснаар борлуулалт хэдэн хувиар нэмэгддэг вэ?

Үйлчлүүлэгчдээсээ асуулт асууснаар борлуулалт хэдэн хувиар нэмэгдэх нь тодорхой нөхцөл байдлаас хамаардаг ч, зарим судалгаагаар асуулт асууснаар борлуулалтыг 10-30% хүртэл нэмэгдүүлэх боломжтой гэж үздэг. Ялангуяа, зөв асуулт асууж, үйлчлүүлэгчийн хэрэгцээ, хүсэл сонирхлыг ойлгосноор тэдэнд тохирсон бүтээгдэхүүн, үйлчилгээг санал болгох боломжтой болдог учраас борлуулалт өсөх магадлал өндөр байдаг.

Гэхдээ энэ хувь нь салбар, зах зээл, бизнесийн хэмжээ зэргээс хамаарч өөрчлөгдөж болохыг анхаараарай.

Илүү их борлуулалт хийхийн тулд асууж байх нь бизнесийн олон талбарт эерэг нөлөө үзүүлдэг. Мөн энэ нь бидний бизнесийн ур чадварыг сайжруулж, илүү өрсөлдөх чадвартай болгодгоороо давуу талтай.

Борлуулалтыг нэмэгдүүлэхийн тулд асуухаас айх хэрэггүй мөн борлуулалтаа нэмэгдүүлэхэд асуух нь бидний хамгийн хүчтэй хэрэгсэл болдог байна.

Борлуулалтаа Нэмэгдүүлэхийн Тулд Асуухаас Бүү Айгаарай!

ХҮС ХИЙ ХҮР
УКА ТӨМӨРИЙН ХАМТ

Та бэлэн бол би танд 3 янзаар туслахад бэлэн байна

1. Трафик сургалт – Хэрхэн яаж бизнес руугаа трафик (хүмүүсийг) татаж сурах вэ? Дөнгөж шинээр эхлүүлж байсан ч хамаагүй. 21 хоногийн эрчимжүүлсэн сургалт

2. СУПЕР 6 онлайн сургалт – Хэрвээ та хэвлийгээрээ турж, хэвлийн булчингаа чангалах гээд чадахгүй байгаа бол, Ю-тюб, инстаграмаас дасгалууд түүж хийгээд ч үйлчлээгүй бол би таныг 30 хоногийн хэвлийгээрээ турах сургалтандаа урьж байна.…МАШ ХУРДАН! Хэвлийн өөхийг шатааж булчинг чангалах зорилготой.

3. БЯСАЛГАЛ – Амжилтын Тарни дээр тулгуурласан оюун ухаанаа эерэгээр программчлах бясалгалууд

4. Үнэгүй материалууд – YouTube, Podcast, Blog