Амжилтруу Чиглүүлэх Амжилтын Тарни
Амжилтруу Чиглүүлэх Амжилтын Тарни
Амжилтын Тарни: Би л өөрөө өөрийгөө амжилтанд хүргэнэ.
Амжилтын тарнийг өөрийнхөө хоолойгоор уншиж, түүнийгээ өөртөө сонсогосноор илүү үр дүнтэй хүчтэй үйлчилдэг. Тийм учраас өнөөдөр өөрийгөө амжилтруу чиглүүлэх маш хүчтэй амжилтын тарниудыг оруулж байна.
Та энэ миний өгөх Амжилтын Тарниудыг:
1. Бичиж авах
2. Бичиж авсныгаа уншиж байгаад, утасныхаа ч юмуу эсвэл өөр ямар нэгэн дуу хураагч дээр хурааж авах
3. Нийт 5-10 удаа давтаж хэлээд, хураах
3. Тэгээд хурааж авсныгаа өдөр болгон өөртөө сонсгох
Хэрвээ дуу хураагч байхгүй бол өөрийнхөө видео бичлэгийг хийгээд, түүнийгээ үзээд сонсож болно.
Өөртөө сонсгохдоо:
1. Чимээгүй орчинд өөрийгөө аваачих
2. Өөрийгөө тухтай газар суулгах
3. Гүн амьсгаа хэд хэдэн удаа авч, гаргаж өөрийгөө тайвшруулж, Амжилтын Тарни сонсохдоо бэлдэх
4. Нүдээ аниад, сонсох
Сонсох явцдаа:
“Тийм, үнэн” гэдгийг өөртөө баталж хэлээрэй. Хэлэхдээ аман дотроо, чанга, сул альнаар нь ч хэлж болно.
Сонсож дуусчихаад:
1. Сонссон Амжилтын Тарниудаа өөр дээрээ төсөөлөөрэй. Жишээлбэл: Надад амжилтанд хүрэх сахилга бат бий гэвэл өөрийгөө сахилга баттай байгаагаар төсөөлнө гэсэн үг.
2. Бүх амжилтын тарнийг өөр дээрээ нэг бүрчлэн төсөөлөөрэй.
Амжилтын Тарниа төсөөлж дуусчихаад:
1. Дахин сайхан гүн амьсгаа аваад,
2. Нүдээ аяар нээгээд,
3. Сайхан инээмсэглээд,
4. Ажилдаа ороорой.
Үүнийг өглөө өдөр орой хэзээ ч хийж болно.
Өдөр болгон үүнийг хийснээр та өөрийгөө амжилтруу чиглүүлж, оюун ухаанаа шинээр программчилж, хийж чадахгүй хойшлуулаад байгаа юмнуудаа хийж чаддаг болно.
АМЖИЛТРУУ ЧИГЛҮҮЛЭХ АМЖИЛТЫН ТАРНИ
Би л өөрийгөө амжилтанд хүргэнэ. Өөр хэн ч намайг амжилтанд хүргэхгүй.
Амжилтанд хүрэхэд хэрэгтэй бүх зүйл надад бий.
Амжилтанд хүрэх сахилга бат надад байна
Амжилтанд хүрэх мотивац надад байна.
Амжилтанд хүрэх хүсэл надад байна.
Амжилтанд хүрэх эрч хүч надад байна
Амжилтанд хүрэх тэсвэр хатуужил надад байна
Амжилтанд хүрэхэд шаардагдах бүх зүйл надад байна.
Би өөртөө итгэж байна
Би амжилтанд хүрнэ гэдэгтээ итгэж байна.
Аудиог эндээс татаж аваарай
Хэрвээ дуугаа хураах боломжгүй бол доороос миний аудио бичлэгийг татаж авна уу.
Хэрвээ танд энэхүү бичлэг таалагдсан бол цааш нь найз нөхөддөө түгээгээрэй.